सैनिकाचे मनोगत!

 देश माझा , मी देशाचा

द्वैतभाव  उरला नाही  

देशरक्षण हेच माझे काम

सैनिक असे माझे नाम 

देशच असे माझा परमधाम

स्वार्थाचा आता कुठलाही

भाव उरला नाही

देश माझा...

दिवस असो व घन अंधार

सदैव उभा मी चौकीदार

ऊन ,वारा ,थंडी, पाऊस वादळ

देशाप्रतीच चाले सदा तळमळ

सोडूनि सारी सुखे व मोह

आम्ही आमचेही  राहिलो नाही 

देश माझा .. 

( सीमेवर आपल्यासाठी सदैव उभे राहणाऱ्या व ज्यांच्या मुळे आपण दोन वेळा सुखाची भाकरी खाऊ शकतो त्या साधारण सैनिकाला ही कविता समर्पित 🙏) 

© हेमंत सांबरे 

११.१०.२०२० .