स्वच्छतेचा हा एकच नारा ( कविता )

स्वच्छतेचा हा एकच नारा 

स्वच्छ करूया भारत सारा||धृ||

मतभेद सारे विसरुया

जातीभेद सारे विसरूया

नव्या दमाचा नवउन्मेशी 

नवभारताचा नवा वाहतो वारा ||१||

चला घेऊया एकच शपथ

रस्त्यावर मी थुंकणार नाही

कचरा ही फेकणार नाही

अंगी आमच्या आज संचारला,

नवनिर्मिती चा नवाच वारा ||२||

नवा भारत श्रेष्ठ भारत 

स्वच्छ भारत सुंदर भारत

तुम्हा आम्हा सर्वांचा हाच एक

नभी घुमला तो  मंत्र खरा ||३||

जसे आपले घर सुंदर असते

तसाच भारत स्वच्छ-सुंदर करूया

आता न मागे वळून बघणे

आता न मागे फिरून येणे

निश्चय मनी हा एकच करा  ||४||