बामण लोकांचा द्वेष करण्याचे फायदे(च फायदे !)

                  

*बामण लोकांचा द्वेष करण्याचे फायदे (च फायदे !* )

हे अगदी आम्ही लहानपणापासून बघत आलो आहोत .. तुम्ही ही नक्कीच बघितले , अनुभवले वा स्वतःही केले असेल ! काहीच हरकत नाही , करायलाच पाहिजे !!  अहो मला सांगा ज्यात फायदा आहे अशी गोष्ट तर आपण न चुकता करायलाच पाहिजे . किंबहुना वडीलधारी मंडळी हेच शिकवतात , की फायदा असला की व ती गोष्ट करताना जर कुठलाही धोका संभवत नसेल तर करायला काहीच अडचण नसते / नसावी . 

आता मुद्दयावर येतो ! बघा या जातीला शिव्या कशा दिल्या पाहिजे ,

भटूरड्या

शेंडी-जानवे वाला 

बामन भट ( इथे ब्राह्मण हा योग्य उच्चार आहे ,पण माहीत असूनही मुद्दाम बामन म्हणायचे , त्याने समाजात आपले वजन वाढते ) 

फुकटे 

"बामन भट , अंडे खातो सटासट"

"बामन खातो खूप खूप 

शेंडीला चोळतो शेरभर तूप "

( आमच्या लहानपणी हे म्हणून चिडवले जायचे ) 

या अशा शिव्या व इतर बऱ्याच शिव्या या ब्राह्मण ( Sorry बामन ) लोकांना दिल्याच पाहिजे , तो आपला हक्कच आहे ... कारण सांगतो हे लोकं ना , एक नंबरचे बावळट आहेत बरं का ! कसं ते सांगतो , यांना किती काही बोला , हे बिच्चारे 'आपलं काम भलं आणि आपण भलं ' असे वावरत असतात ...कधीही पुढे येऊन विरोध-बिरोध तर अजिबात करणारच नाही .. इतर लोकांसारखे रस्त्यावर तर कधीही उतरणार नाही .. यामुळे यांची भीती बाळगायचे अजिबात कारण नाही ..बिनधास्त काही बोला , आणि आपली हौस भागवून घ्या व आपली काहीही घाणेरडे वगैरे बोलण्याची मस्ती भागवा ! कुणी म्हणजे अगदी  कुंनी आपलं वाकडं करणारच नाय .

हा जो बामन असतो ना तो काही फक्त पूजा पाठ , दक्षिणा यावर जगत नाही बरं का ! त्याने आज जगातल्या प्रत्येक क्षेत्रात टॉप केलंय बरं का मंडळी !! पण आपल्याला याच्याशी काय करायचं ? आपण बोलताना बिनदिक्कत ठोकून द्यायचे , की आपला हा बामन  फक्त पोटभरू, दक्षिणा-खाऊ आहे . त्याने फायदा असा होतो की अनेकांना आनंदाच्या  उकळ्या फुटतात , अनेकांना गुदगुल्या होतात , आणि आम्हाला बोलताना ही लै झाक वाटतयं . च्यायला आपल्याला त्या बामनागत  मोठं व्हता नाय आलं पण त्याची इज्जत तर काढली की नाही ?  लै मज्जा येतंय , लोकं खिदीखिदी हसत्यात , टाळ्या पिटत मजा घेतात .

अजून पुढची एक गमंत सांगतो बरं का दोस्तांनो ! हे करताना अजिबात घाबरायचं नाही ..कायदा आपलं काडीचही वाकडं करू शकत नाही .. कारण ते अट्रोसिटी वगैरे भानगड या जातीला बिलकुल लागू नाही ..( हे लै भन्नाट सिक्रेट हाय ) , हे सिक्रेट आपल्यातच ठेवा , कुणाला सांगू नका ! पण याचा वेळोवेळी वापर मात्र करत जावा !! 

आपले छत्रपती शिवाजी महाराज तसं बघायला गेलं तर कुठल्याही जातीचा द्वेष , राग करत नव्हते ..शिवाय त्यांच्या मंत्रिमंडळात हे बामनच जास्त होते ..पुढे त्या पेशव्यांनी (परत बामणच ) पूर्ण भारतभर राज्य पसरविले , पण आपण काय करायचे , बिनधास्त म्हणत राहायचं , या बामण लोकांनी आपल्या  राजाला इथं विरोध केला , तिथं त्रास दिला, असं आणि तसे ! बिनधास्त आपलं 'खोटं बोल पण रेटून बोल 'असं करत राहायचं ! कोण ते इतिहास- बितिहास  जाऊन वाचतंय अन कसलं काय ! असं दहापाच वेळा आपणच पैसे देऊन विकत  घेतलेल्या चॅनेलला मुलाखत देत राहिलं की येड्या पब्लिकला खरं च वाटायला लागतंय ...

आपली जी देवळं असतात ना , तिथं काय फकस्त बामनच पुजारी म्हणून नसतात बरं का ! अगदी गुरव , वंजारी , कोळी अगदी सगळेच पुजारी असतात /असू शकतात .शिवाय या मंदिराच्या जीवावर फुलं विकणारे , लॉज चालवणारे , कापडे विकणारे , पूजा साहित्य विकणारे सगळ्याच जातींचे ( आणि सगळ्याच धर्मांचे  देखील बरं का ) अवलंबुन  असतात . पण आपण बोलताना सतत खोटं च बोलायचं की या  बामन लोकांनी अगदी देवळं लुटायचा कार्यक्रम चालवला आहे .. एकटेच  मंदिर लुटत आहेत , असं आपण  साफ खोटं बोलतच राहायचं . 

एकूण ही जात खूपच सॉफ्ट टार्गेट हाय ! काही होत नाही  , काही फरक पडत नाही .. शिवाय यांच्या आडून हिंदूंवर ही सहज टीका करता येते , बोलता येते ..शिवाय यांना बोललात की फारसं कुणाला काय वाटत तर नाय  , पन खुश होणारं लोक वाढतच जात्यात ..शिवाय यांना एकदा हिंदूंच्या इतर जातींपासून तोडलं की हिंदूंना संपवायला असा कितीसा वेळ लागतोय .. मग असे जाती-जातीत भांडण , द्वेष पसरत राहिलं की आपली पिढ्या -पिढ्या ची सोय होत राहते ..

जसं सुरुवातीला सांगितले तसं जर या सगळ्यात जर फक्त फायदाच फायदा असल तर का करू नये ? 

एवढं सगळं सांगूनही तुम्ही जर स्वतःचा फायदा सोडून त्या फुकटखाऊ बामण लोकांची बाजू घेऊ लागलात तर तुमच्या सारखे मूर्ख तुम्हीच ! 

तर  मग येताय ना  माझ्याबरोबर ? आपण मिळुन जाती -जातीत हा द्वेष पसरवू या व आपली तुंबडी भरत राहू  या !  बाकी हे करताना या वैभवशाली महाराष्ट्राचें वाटोळं झालं तरी मग त्याने काय फरक पडतोय ??

कसं वाटलं ? येतांय ना मग ??

(वर सुरुवातीला आर्य चाणक्य यांचे छायाचित्र दिले आहे , चाणक्य हे ब्राह्मण्याचे सर्वोच्च अविष्करण होते . देशभक्ती , त्याग , चातुर्य , पराक्रम , बुद्धिमत्ता ,क्रांतिकार्य,  अपमानाचा घेतलेला सूड या सगळ्याच बाबतीत ज्याचा आदर्श ठेवावा असे ते व्यक्तिमत्त्व होते ) 

© हेमंत सांबरे